Efni

SkjölunMeð gervigreind

MCP-þjónn

Tengdu Claude, ChatGPT eða annað gervigreindartól við Kling aðganginn þinn með hýstum MCP-þjóni Kling á api.kling.is/mcp og spurðu það út í greiðslur, tekjur og áskriftir á Íslandi.

Fljótlegast: láttu gervigreindina vinna verkið

Afritaðu skipunina og límdu hana í ChatGPT, Claude, Cursor, Lovable eða annað gervigreindartól. Það les leiðbeiningarnar okkar, spyr út í reksturinn og velur rétta leið.

MCP-þjónn Kling tengir gervigreindartól eins og Claude eða ChatGPT við Kling aðganginn þinn, svo þú getur spurt það út í greiðslurnar þínar á Íslandi og látið það búa til greiðsluhlekki og greiðsluferli fyrir þig, í íslenskum krónum. MCP (Model Context Protocol) er opinn staðall sem þessi tól nota til að tengjast annarri þjónustu. Kling hýsir þjóninn á https://api.kling.is/mcp, svo það þarf ekkert að setja upp.

Tengdu gervigreindina

Tengingin er á https://api.kling.is/mcp og API-lykill frá Kling ræður hvaða aðgang gervigreindin sér og hvað hún má gera þar. Claude, ChatGPT og önnur tól sem bæta við tengingu út frá slóð taka við þinni eigin tengislóð: þessari slóð með API-lyklinum þínum aftan við. Þú þarft ekki að setja hana saman. Spjaldið Connect AI assistants á síðunni API lyklar og skjölun í stjórnborðinu er með slóðina fyrir prófunaraðganginn þinn tilbúna til afritunar. Ef þú hefur búið til prófunarlykil sem má bara lesa notar spjaldið hann, svo gervigreindin getur þá bara lesið. Í Claude opnar þú til dæmis stillingarnar fyrir tengingar (connectors), bætir við sérsniðinni tengingu og límir slóðina inn.

Forritunartól eins og Claude Code og Cursor geta í staðinn tengst https://api.kling.is/mcp og sent API-lykilinn sem bearer-tóka, svo lykillinn er ekki í slóðinni.

Farðu með slóðina eins og lykilorð: hver sem hefur hana getur notað lykilinn þinn. Ef hún lekur afturkallar þú lykilinn í stjórnborðinu og þá hættir slóðin að virka.

Hvað þú getur spurt um

Þegar gervigreindin er tengd spyrð þú með þínum eigin orðum. „Hverjar voru tekjurnar mínar í síðasta mánuði?", „Hvernig hafa áskriftartekjurnar þróast á árinu?", „Hverjir eru stærstu viðskiptavinirnir mínir?" og „Hversu margar greiðslur misheppnuðust í vikunni?" er öllu svarað út frá gögnunum í aðganginum þínum. Gervigreindin getur líka flett upp stakri greiðslu eða áskrift og sýnt viðskiptavinina þína, vörurnar og webhooks.

Hún getur líka búið til: „Búðu til greiðsluhlekk upp á 4.990 kr." gefur þér hlekk til að senda, og á sama hátt getur hún búið til greiðsluferli, vörur, viðskiptavini og webhooks. Greiðsluhlekkir sem hún býr til eru í krónum, með 24% virðisaukaskatti. Fyrir forritara getur hún sótt stutt yfirlit yfir API Kling, sem vísar á fulla API-lýsingu, OpenAPI-lýsinguna á https://api.kling.is/docs/json.

Prófun eða raunumhverfi, allt eða bara lestur

Lykillinn sem þú tengir með setur mörkin. Prófunarlykill nær bara í prófunargögn, svo þar er best að byrja. Þegar þú tekur við raunverulegum greiðslum getur þú tengt raunlykil á sama hátt. Ef þú vilt bara fá svör býrðu til lykil sem má bara lesa á API-lyklasíðunni: þá fær gervigreindin aðeins lestrartólin í gegnum hýstu tenginguna og API-ið hafnar öllum breytingum sem hún reynir að gera.

Tólin

Lestrartólin eru get_checkout_session, get_payment_intent, list_payment_intents, search_catalog, lookup_catalog, list_products, list_customers, list_subscriptions, get_subscription, list_webhooks, skýrslurnar revenue_report, mrr_report, subscription_breakdown, subscription_movement_report, cohort_retention_report, payment_outcomes_report og top_customers_report, og get_api_docs, stutt yfirlit yfir API Kling. search_catalog leitar í vörulistanum eftir texta og síum (verð, tegund, til á lager) og flettir á milli síðna, og lookup_catalog sækir allt að 10 vörur eftir auðkenni eða vörukóða. list_products er enn til fyrir eldri tengingar og skilar fyrstu 50 virku vörunum. Með lykli sem má skrifa fær gervigreindin líka create_checkout_session, create_payment_link, create_product, create_customer og create_webhook.

Kaup í gegnum umboð

Fjögur tól sjá um kaupin, bæði með lykli og á opna vörulistanum. get_product sækir eina vöru með afbrigðum, myndum, áskriftarskilmálum, framboði og afhendingarleiðum. check_availability svarar því hvort hægt sé að kaupa vöruna í tilteknu magni, á tilteknum degi og með afhendingu í tiltekið póstnúmer, og delivery_options telur upp afhendingarleiðir og verð þeirra. Svörin koma frá framboðsþjónustu fyrirtækisins ef hún er skráð undir Umboð á stillingasíðunni (Kling kallar á slóðina og bíður í mesta lagi fjórar sekúndur eftir svari; berist ekkert svar skilar tólið merchant_unavailable í stað þess að giska), annars frá Lager-appinu, en ella er svarið unknown. create_checkout stofnar greiðslu fyrir þær vörur sem viðskiptavinurinn velur, með nafni, netfangi, símanúmeri, afhendingarupplýsingum og texta á kort, og skilar slóð sem hann opnar í símanum til að greiða. Greiðslan er merkt umboðinu (nafn, prófíll, samtal og það sem viðskiptavinurinn bað um), svo að þú sjáir í stjórnborðinu hvaða greiðslur bárust þá leið. Á opna vörulistanum er create_checkout aðeins í boði ef þú hefur kveikt á Leyfa umboðum að stofna greiðslu. Hver IP-tala má stofna 10 greiðslur á mínútu og hver beiðni er skráð.

Opinn vörulisti fyrir umboð

Vörulistann má líka lesa án lykils. Þegar þú velur auðkenni undir Umboð á stillingasíðunni fær fyrirtækið þitt slóðina https://api.kling.is/mcp/@auðkenni. Hvaða gervigreindarumboð sem er getur tengst henni og leitað í vörulistanum þínum, rétt eins og það les vefsíðu. Tólin þar eru search_catalog, lookup_catalog, list_products, merchant_info (nafn fyrirtækisins, lýsing, vefsíða og svarnetfang), get_product, check_availability og delivery_options, og create_checkout ef þú leyfir það. Áfram þarf lykil fyrir viðskiptavini, greiðslur, skýrslur og allar aðrar breytingar. Hver IP-tala má senda 30 köll á mínútu, eða 120 ef umboðið segir til sín með meta.agent (nafn og https-slóð á prófíl) í beiðninni. Hvert kall er skráð ásamt nafni umboðsins eins og það gaf það upp, svo þú sjáir í stjórnborðinu hver er að lesa. Tómt auðkenni lokar vörulistanum aftur.

Á þinni eigin vél

Sami þjónn er líka gefinn út sem npm-pakkinn @klingis/mcp, fyrir forrit sem keyra MCP-þjóna á tölvunni þinni. Hann tekur við sama API-lykli og býður sömu tól, nema hvað lykill sem má bara lesa sér þar líka tólin sem skrifa (API-ið hafnar þeim). Flestir þurfa hann ekki: hýsta tengingin gerir það sama án uppsetningar.

Til að láta gervigreindartól byggja Kling greiðslur inn í vefinn þinn eða forritið afritar þú skipunina efst á síðunni.

Skoða sem markdown