Rukkun í heimabanka (kröfur)

Krafa í heimabanka er reikningur sem birtist í heimabanka viðskiptavinarins. Hann greiðir hana eins og hvern annan reikning, án korts. Kröfur henta vel fyrir reikninga milli fyrirtækja, félagsgjöld, námskeiðsgjöld og viðskiptavini sem vilja frekar greiða í gegnum bankann. Þær eru eingöngu í íslenskum krónum.

Án forritunar

Opnaðu Rukkun í heimabanka í stjórnborðinu, sláðu inn kennitölu greiðanda, upphæð og gjalddaga og sendu. Krafan birtist í heimabanka viðskiptavinarins og undir Kröfur í stjórnborðinu sérðu þegar hún hefur verið greidd.

Í greiðsluferlinu

Leyfðu viðskiptavininum að greiða með kröfu í greiðsluferli með því að setja "payment_method_type": "bank_claim". Viðskiptavinurinn slær inn kennitölu í stað kortaupplýsinga og ferlinu lýkur með payment_status: "awaiting_claim". Þegar hann greiðir í bankanum verður greiðslan captured og payment_intent.captured webhook er sendur. Afhentu pöntunina þá, ekki fyrr.

Fyrir áskriftir sendir "collection_method": "bank_claim" kröfu á hverju tímabili í stað þess að rukka kort. Sjá Áskriftir.

Með API

POST /v1/claims:

curl -X POST https://api.kling.is/v1/claims \
  -H "Authorization: Bearer $KLING_SECRET_KEY" \
  -H "Content-Type: application/json" \
  -d '{
    "payor_kennitala": "0101302989",
    "amount": 15000,
    "due_date": 1767225600,
    "final_due_date": 1768435200
  }'

• payor_kennitala: 10 stafa kennitala greiðanda, án bandstriks.
• amount: heilar krónur.
• due_date (gjalddagi) og final_due_date (eindagi): Unix-tímastimplar.
• Valkvætt: customer, items (línur sem birtast á reikningnum; samtalan verður að vera jöfn amount) og discount_amount.

status kröfu er pending, unpaid, paid, partially_paid, cancelled eða secondary_collection. Listaðu kröfur með GET /v1/claims (síað eftir status, síðuskipting með limit og offset), sæktu eina með GET /v1/claims/{id} og felldu niður með POST /v1/claims/{id}/cancel. Webhooks claim.created og claim.paid láta þjóninn þinn vita hvað gerðist.

Uppsetning

Kröfur fara ekki í gegnum færsluhirði. Þú undirritar samning um kröfur sem hluta af umsókninni um að fara í loftið, svo hægt er að virkja kröfur á undan kortagreiðslum. Þegar umsóknin hefur verið samþykkt leiðir stjórnborðið þig í gegnum tvö síðustu skrefin: að setja upp kröfurnar og skrá greiðslukort fyrir þjónustugjald Kling af hverri kröfu. Sjá Úr prófunum í raunumhverfi.

Verð

0,8% af hverri greiddri kröfu, minnst 25 kr. og mest 250 kr., auk kostnaðar bankans. Sjá verðskrá.