SkjölunMeð gervigreind
Taktu við greiðslum í Lovable
Hvernig þú tekur við kortagreiðslum í Lovable-forriti á Íslandi með Kling. Afritaðu eina skipun inn í Lovable, geymdu leynilykilinn í Supabase og prófaðu með prufukorti áður en þú ferð í loftið.
Fljótlegast: láttu gervigreindina vinna verkið
Afritaðu skipunina og límdu hana í ChatGPT, Claude, Cursor, Lovable eða annað gervigreindartól. Það les leiðbeiningarnar okkar, spyr út í reksturinn og velur rétta leið.
Þú getur tekið við greiðslum í Lovable-forriti á Íslandi með Kling, greiðslulausn fyrir Ísland sem tekur við kortum, Apple Pay og Google Pay í íslenskum krónum. Stripe tekur ekki við íslenskum fyrirtækjum, svo innbyggða Stripe-tenging Lovable gengur ekki hér. Kling virkar samt á sama hátt: bakendi forritsins býr til greiðsluferli og viðskiptavinurinn greiðir á greiðslusíðu Kling eða í greiðsluglugga ofan á forritinu þínu.
Hvað Lovable smíðar
Lovable keyrir bakenda forritsins sem Supabase Edge Functions og þar hefst greiðslan. Þegar viðskiptavinur smellir á Greiða býr lítið fall til greiðsluferli með upphæðinni og leynilyklinum þínum. Upphæðir eru heilar krónur, svo 5000 þýðir 5.000 kr. Síðan sendir forritið viðskiptavininn á greiðslusíðu Kling eða opnar greiðslugluggann ofan á síðunni, svo hann fer aldrei úr forritinu. Kortaupplýsingarnar fara beint til Kling og koma aldrei við í forritinu þínu.
Annað fall tekur við webhook frá Kling þegar greiðsluferlinu lýkur, staðfestir undirskriftina og merkir pöntunina greidda. Það er webhookið sem staðfestir greiðsluna, ekki vafri viðskiptavinarins, því honum getur verið lokað áður en hann kemst aftur á síðuna. Ef viðskiptavinurinn greiðir með kröfu getur greiðsluferlinu lokið um leið og krafan er send, áður en hún er greidd (payment_status er þá awaiting_claim), og þá er pöntunin fyrst greidd þegar atburðurinn payment_intent.captured berst.
Hvar leynilykillinn á heima
Þegar þú skráir þig á kling.is/signup bíður prófunarlykillinn þinn (sk_test_...) strax á síðunni API lyklar og skjölun. Lykillinn á heima í Supabase secret, aldrei í kóðanum sem Lovable skrifar fyrir vafrann. Lovable getur beðið þig um hann þegar það smíðar fallið, en þú getur líka sett hann inn í Supabase, þar sem secrets fyrir Edge Functions eru geymd. Undirritunarlykill webhooksins, sem þú færð þegar þú bætir webhookinu við undir Forritarar → Webhooks í stjórnborðinu, fer í Supabase secret á sama hátt.
Prófaðu
Prófunarlykill nær bara í prófunargögn og engir raunverulegir peningar fara á milli. Greiddu með prufukortinu 4111 1111 1111 1111, hvaða gildistíma sem er fram í tímann og hvaða CVC sem er, og pöntunin á að merkjast greidd. Kortið 4000 0000 0000 0002 sýnir þér hvernig greiðsla sem er hafnað lítur út.
Í loftið
Þegar þú vilt taka við raunverulegum greiðslum sækir þú um í stjórnborðinu. Kling sækir um hjá færsluhirði fyrir þína hönd, og þegar umsóknin hefur verið samþykkt býrðu til raunlykil og setur hann í sama Supabase secret í stað prófunarlykilsins. Prófun og raunumhverfi hafa aðskilin webhooks, svo þú bætir líka við einu fyrir raunumhverfið. Sjá Úr prófunum í raunumhverfi.
Til að byrja afritar þú skipunina efst á síðunni og límir hana inn í Lovable.