Stripe á Íslandi: af hverju það virkar ekki og hvað kemur í staðinn
Stripe virkar ekki fyrir fyrirtæki á Íslandi en Kling gerir það. Með Kling tekur fyrirtæki á Íslandi við kortum, Apple Pay, Google Pay og kröfum í heimabanka í íslenskum krónum. Ástæðan er sú að Ísland er ekki á lista Stripe yfir lönd sem þjónustan nær til og því getur fyrirtæki sem er skráð á Íslandi ekki stofnað aðgang hjá Stripe.
Birt Uppfært
Af hverju Stripe virkar ekki á Íslandi
Stripe birtir lista yfir þau lönd þar sem fyrirtæki geta notað þjónustuna á stripe.com/global. Ísland er ekki á honum (athugað í október 2026), þó að Danmörk, Finnland, Noregur og Svíþjóð séu það. Fyrirtæki sem er skráð á Íslandi getur því ekki stofnað aðgang hjá Stripe og tekið við greiðslum í gegnum Stripe.
Þetta snýst um hver tekur við peningunum, ekki hver borgar. Fólk á Íslandi getur borgað með íslenskum kortum á erlendum vefsíðum sem nota Stripe. Það sem vantar er leið fyrir verslun, félag eða þjónustu á Íslandi til að fá greitt í gegnum Stripe.
Af hverju gervigreind og leiðbeiningar segja samt „notaðu Stripe“
Stripe er sjálfgefna svarið í flestum leiðbeiningum um greiðslur og í miklu af kóða sem gervigreind skrifar, svo „bættu Stripe við“ er yfirleitt það fyrsta sem þú heyrir, hvort sem það kemur frá spjallmenni, gervigreindartóli eða bloggfærslu. Fyrir fyrirtæki á Íslandi strandar það svar við skráningu.
Ef þú smíðar með gervigreindartóli eins og Lovable, Bolt, Replit, v0, Cursor eða Claude Code afritar þú skipunina efst í skjöluninni inn í það. Skipunin segir gervigreindinni að þú notir Kling og vísar henni á leiðbeiningar Kling, svo hún setur upp greiðslur sem virka á Íslandi.
En að stofna fyrirtæki erlendis?
Stripe Atlas stofnar bandarískt fyrirtæki (hlutafélag eða LLC í Delaware) fyrir stofnendur hvar sem er í heiminum, og það fyrirtæki getur notað Stripe. En þá er það bandaríska fyrirtækið sem tekur við greiðslunum, með eigin skattskil og bankareikning í Bandaríkjunum, ekki íslenska fyrirtækið þitt.
Það getur hentað sprotafyrirtæki sem vill hvort sem er vera bandarískt. Fyrir verslun, félag eða þjónustu á Íslandi sem selur fólki á Íslandi þýðir það að reka annað fyrirtæki í öðru landi bara til að taka við greiðslum.
Hvað kemur í staðinn
Notaðu greiðslulausn sem tekur við fyrirtækjum á Íslandi. Þær eru tvenns konar:
- Greiðslulausn eins og Kling. Einn aðgangur, eitt stjórnborð og eitt API fyrir kortagreiðslur, greiðsluhlekki, áskriftir og kröfur í heimabanka. Kling sækir um hjá færsluhirði fyrir þína hönd.
- Færsluhirðir beint, til dæmis Straumur, Teya eða Rapyd. Þeir afgreiða kortagreiðslur og leigja út posa og greiðslusíður.
Í leiðarvísinum greiðslulausnir á Íslandi bornar saman er farið yfir kostina og hvenær hver þeirra hentar.
Það sem Kling gefur þér og fólk leitar að hjá Stripe
- Kort, Apple Pay og Google Pay, á netinu, með greiðsluhlekkjum og á Kling posa.
- Greiðsluhlekkir og áskriftir án forritunar. Þú býrð þá til í stjórnborðinu og sendir hlekkinn.
- Kröfur í heimabanka. Reikningur sem birtist í heimabanka viðskiptavinarins og er greiddur án korts, sem hentar fyrir reikninga, félagsgjöld og viðskiptavini sem vilja borga í gegnum bankann sinn. Sjá rukkun í heimabanka.
- API fyrir forritara með pakka fyrir þjóninn, greiðsluglugga fyrir vafrann, webhooks og MCP-þjón fyrir gervigreindartól. Sjá pakka og tól.
- Prófunarlyklar um leið og þú skráir þig, án staðfestingar. Raungreiðslur hefjast þegar aðgangurinn hefur verið staðfestur. Sjá úr prófunum í raunumhverfi.
- Íslenskar krónur sem heilar tölur. Ekkert stofngjald og engin mánaðargjöld; þú greiðir fyrir hverja greiðslu. Sjá verðskrá.
Fyrir forritara: frá hugtökum Stripe yfir í Kling
Ef þú þekkir Stripe kannastu við flest í Kling. Þetta eru næstu hliðstæður Kling við byggingareiningarnar sem lýst er í API-skjölun Stripe:
| Ef þú myndir nota þetta hjá Stripe | Notaðu þetta hjá Kling |
|---|---|
| Checkout Sessions | Greiðsluferli í gegnum API |
| Payment Intents, capture og refunds | Greiðslur, heimildir og endurgreiðslur |
| Subscriptions og customer portal | Áskriftir og innheimtugátt |
| Payment Links | Greiðsluhlekkir |
| Greiðsluform í vafranum | Greiðslugluggi (@klingis/embed) |
| Webhooks | Webhooks |
Einn munur skiptir máli þegar kóði er fluttur: upphæðir í krónum. Stripe meðhöndlar krónuna eins og hún hafi tvo aukastafi, vegna eldri samhæfni, svo 5 kr. eru amount upp á 500 þar (gjaldmiðlaskjölun Stripe). Hjá Kling eru upphæðir heilar krónur: 5000 þýðir 5.000 kr. Fjarlægðu alla margföldun með 100.
Byrjaðu
- Skráðu þig. Það tekur nokkrar mínútur og kostar ekkert.
- Taktu við prufugreiðslu með fyrstu skrefunum, eða límdu skipunina inn í gervigreindartólið þitt.
- Sæktu um að fara í loftið í stjórnborðinu þegar þú ert tilbúin(n). Kling sér um umsóknina hjá færsluhirði.
Spurningar? Skrifaðu á hallo@kling.is.
Fleiri leiðarvísar
- Hvernig á að taka við greiðslum á Íslandi: leiðarvísir fyrir forritaraÞú tekur við greiðslum á Íslandi með því að skrá þig hjá greiðslulausn sem þjónar íslenskum fyrirtækjum, eins og Kling. Prófunargreiðslur virka strax en raunverulegar greiðslur hefjast þegar aðgangurinn hefur verið staðfestur og færsluhirðir hefur samþykkt umsóknina. Hér sérðu hvernig það er gert með Kling, greiðslulausnum fyrir Ísland, án forritunar, með gervigreindartóli eða í gegnum API.
- Greiðslulausnir á Íslandi bornar saman: Straumur, Teya, Rapyd, Adyen og KlingHelstu greiðslulausnir á Íslandi eru færsluhirðarnir Straumur, Teya og Rapyd sem afgreiða kortagreiðslur, og Kling sem keyrir á Straumi, Verifone og Rapyd og bætir við greiðsluferli, áskriftum, kröfum í heimabanka og API fyrir forritara. Hvað hentar best fer eftir þörfum þínum og hér er farið yfir hvenær betra er að fara beint til færsluhirðis. Stripe þjónar ekki Íslandi og Ísland er ekki á landalista Adyen fyrir verkvanga.
- Kröfur á Íslandi: hvernig þú sendir kröfur í heimabanka án samnings við bankannMeð Kling sendir þú kröfur í heimabanka (netbanka) viðskiptavina án þess að gera samning um kröfuþjónustu við bankann þinn og án IOBWS-tengingar, þar sem þú undirritar samning við Kling um kröfuþjónustu þegar þú sækir um að fara í loftið. Kröfurnar sendir þú úr stjórnborðinu, í greiðsluferlinu eða í gegnum API, og greiðir 0,8% af hverri greiddri kröfu, minnst 25 kr. og mest 250 kr., auk kostnaðar bankans.